पोखरा, माघ ।
नेकपाले कास्की क्षेत्र नम्बर ३ का विभिन्न वडाहरुमा वडा सम्पर्क कार्यालय तथा निर्वाचन परिचालन कमिटी गठन गरेको छ । नेकपाले कास्की ३ का उम्मेदवार गोपाल गिरीको उपस्थितिमा सोमबार अन्नपूर्ण गाउँपालिकाको वडा नम्बर १, २ र ४ मा वडा सम्पर्क कार्यालय स्थापना गरेको हो । नेकपाले वडा नम्बर १ र २ को नागडाँडामा छुट्टाछुट्टै र ४ को सल्यानमा वडा सम्पर्क कार्यालय स्थापना गरेको हो । त्यस्तै, नेकपाले पोखरा–६ मा रमेश पहारीको संयोजकत्वमा १५१ सदस्यीय वडास्तरीय निर्वाचन परिचालन समिति गठन गरेको छ ।
कार्यक्रममा बोल्दै उम्मेदवार गोपाल गिरीले अहिलेको संक्रमण कालको अन्त्यका लागि नेकपाले जित्न अपरिहार्य रहेको बताए । गिरीले भने,‘विध्वंश आमन्त्रणको वातावरण बनाउने र विध्वंश मच्चाउने दुबै राष्ट्रघाती हुन् । उनीहरुले जित्नु भनेको देश बर्बाद हुनु हो । त्यसैले उनीहरुलाई पराजित गर्न नेकपाले जित्नुपर्छ ।’
