गण्डकी कोटिहोम महायज्ञको मूल आयोजक समिति गठन हुदै

पोखरा महानगरपालिका वार्ड नं. १७ बिरौटामा सञ्चालन हुन लागेको ऐतिहासिक श्री गण्डकी शत कुण्डीय गायत्री कोटिहोम विराट ज्ञान महायज्ञको मूल आयोजक समिति गठन हुने भएको छ । आइतबार एक कार्यक्रमको आयोजना गरेर मूल आयोजक समिति गठन गर्ने कार्यक्रम रहेको आयोजक मानव सेवा फाउण्डेन नेपाल कास्की शाखाले जानकारी दिएको छ ।
आइतबार बिहान १० बजे मूल आयोजक समिति गठन गर्ने कार्यक्रम रहेको छ । यसको लागि गत चैत्र २१ गते बिहिबार मूल आयोजक समिति गठनका लागि महत्वपूर्ण तथा निर्णायक छलफल गरिसकिएको छ ।