पोखरा महानगर पालिका वडा न.२४, कास्कीकोटको गुन्टेचौरमा रहेको सिद्ध बराह आधारभुत बिद्यालयको ५७औं बार्षिक उत्सव सम्पन्न भयो ।
कार्यक्रमका प्रमुख अतिथी पोखरा महानगर पालिका वडा न. २४, का वडा अध्यक्ष भरत बहादुर अधिकारीले बिद्यालयमा शैक्षीक र भौतीक सुधारको लागी
आफ्नो र वडा न.२४ को तर्फबाट सक्दो सहयोग गर्ने बताए । बिद्यालयमा शैक्षीक र भौतीक सुधार सँगैै बिद्यार्थी संख्या बढाउन सबे जना लाग्नु पर्ने बताए । कार्यक्रमका बिशेष अतिथी पोखरा महानगर पालिका शिक्षा महाशाखाका अधिकृत कृष्ण प्रसाद भण्डारीले शैक्षिक गुणस्तर सुधारका लागी बिद्यालय सँगै समुदाय र अभिभावक पनि लाग्नु पर्ने बताए । बिशेष अतिथी अक्षयकोष दाता दुर्गा प्रसाद सुबेदीले बिद्यालयको शैक्षीक र भौतीक अवस्था पहीलेको भन्दा सुधार भएता पनि यसलाई अझै सुधार गर्नुपर्ने बताए ।
बिद्यालयका प्रध्यानाध्यापक रीना शाहले आफु बिद्यालयको समग्र बिकासका लागी लागिपरेको र यसमा साथ दिन सबैलाई अनुरोध गरेको उक्त कार्यक्रममा बिद्यालयका सहायक प्रध्यानाध्यापक जयलाल भट्टराइले स्वागत मन्तव्य राखेका थिए ।
कार्यक्रममा बिद्यालय ब्यवस्थापन समितिका पुर्व अध्यक्ष , सदस्यहरु , शिक्षक अभिभावक संघका अध्यक्ष , सदस्यहरु, चन्दादाता , बुद्धिजिबी, सहयोगदाता, युवा क्लव, आमा समुह र पुर्व शिक्षक तथा बिद्यार्थीहरुको सहभागिता रहेको थियो । कार्यक्रममा बिद्यार्थीहरुले बिभिन्न प्रस्तुतीहरु राखेका थिए ।
बार्षिक उत्सवका अवसरमा बिद्यालयको बिकासमा योगदान गर्नुभएका बिद्यालय ब्यवस्थापन समितिका पुर्व अध्यक्ष , सदस्यहरु, चन्दादाता, अभिभावक, जनप्रतिनिधी, शिक्षक र बिद्यार्थीहरुलाई सम्मान गरिएको थियो ।
बिद्यालय ब्यवस्थापन समितिका अध्यक्ष शालिकराम सुबेदीको सभापतित्वमा भएको कार्यक्रम शिक्षक बिनोद सुबेदीले संचालन गरेका थिए ।
२०२३ सालमा स्थापना भएको बिद्यालयमा हाल कक्षा ८ सम्मको पढाइ भइरहेको छ ।
