सडकको दुरुपयोगले गर्दा सडक प्रयोगकर्ताको हक हनन

देशविकासको पूर्वाधार भनेकै सडक र मोटर गाडीको सुविधा हो । नेपालका अधिकांश गाउँमा बाटो नपुगेको प्रायः ठाउँ नै छैन होला । तर भएको विकासको सहि सदुपयोग हुन सकेको छैन ।
जुन सरकार आए पनि पहिले बाटोघाटो र पुलपुलेसालाई नै प्राथमिकता दिएको हुन्छ । सडक कसैको मात्र होइन राष्ट्रको सबै नागरीकको साझा सार्वजनिक सम्पत्ति हो । यसमा सबै देशबासीको समान हक हुन्छ । सडकको संरक्षण गर्नु र यसको सहि सदुपयोग गर्नु प्रत्येक नागरीकको कर्तव्य हो । तर कतिपय अवस्थामा सडकको मुल्य मान्यता मिचेर निजि स्वार्थका कार्य भइरहेको पनि देखिन्छ । कहिले सडक मै नारा जुलुस त कहि व्यापार व्यवसाय गर्दा  सडक प्रयोगकर्ताको हक हनन भएको सडक डिभिजन कार्यालय कास्की कार्यालय प्रमुख पारशमणि हमालले बताए ।
व्यक्तिगत स्वार्थले होस् या सरकारको आडमा गलत कामलाई पनि सही हो भन्न लगाएर जानी–नजानी सडकमा सामाजिक समस्या सृजना गरिएको छ  । सडकमा ढलको फोहोर फाल्ने, सडक नै मिच्ने, सडकमै व्यवसाय गरेता पनि सरकारको ध्यान पुग्न नसकेको  स्थानीय बताछन् ।
यस्ता सडक अवरोध गर्ने मानवीय व्यवहारले सबै दिकदार छन् अब कारबाही गर्ने निकाय कुन होला भन्ने सर्वसाधारणमा कौतूहलता छाएको छ । सडकको सम्मान र संरक्षणको लागि सरकार र स्थानीयले उतिकै ध्यान पु¥याउनुपर्दछ ।