लायन्स वर्ष २०२३÷२०२४ को अवसरमा लायन्स क्लब अफ सिमल चौतारी र लायन्स क्लब पिस टाउन द्धारा सृजना बालगृहमा खाद्यान्न सहयोग सहित वृक्षारोपण भएको छ । पोखरामा कृपाशिल दुवै क्लबले सृजना विकास केन्द्रद्धारा संचालित सृजना बालगृहमा रहेका बालबालिकाहरुका लागी खाद्यान्न सहयोग गरिएको सिमल चौतारीका अध्यक्ष पंकज पौडेलले बताए । २०३७ मा स्थापित केन्द्रले पोखरामा विविध सामाजिक सेवा, शिक्षा स्वास्थ्य लघुवित्त सहित २०६४ देखि द्धन्द्ध पिडित बालबालिकाहरुको बालगृह शुरुवात गरीएको केन्द्रको अध्यक्ष कृष्ण बहादुर थापाले बताए । लायन्स क्लबले जुलाई १ देखि वर्षको शुरुवात सङ्गै सामजिक कार्य गरीदै आएको लायन्स क्लब डिष्टी«कका प्रमुख बालकृष्ण बरालले बताए । सहयोग हस्तान्तरण कार्यक्रममा सिमल चौतारीका संस्थापक अध्यक्ष नरेश बराल, पूर्व अध्यक्ष कृष्णमान ठुसाजु, जोन प्रमुख शिव बराल, प्रथम उपाध्यक्ष विक्रम खिचाजु, सचिव जय बराल लगाएतले सहयोग हस्तान्तरण गरेका थिए । सोही कार्यक्रममा पिस टाउनका अध्यक्ष केशी माया नेपाली, जोन प्रमूख रश्मी भण्डारी, पूर्व अध्यक्ष सिता सुवेदी, कोषाध्यक्ष रेश्मा वैद्यले बालगृहका संयोजक सोमनाथ बराललाई खाद्यान्न सामान वितरण गरेका थिए । संयूक्त सहयोग वितरण कार्यक्रममा केन्द्रका सल्लाहाकार सभापति गणेश बहादुर अधिकारी, सचिव भिम सुवेदी, कोषाध्यक्ष कृष्ण प्रसाद बराल, बाल अधिकार मञ्चका सचिव कुल प्रसाद सुवेदी, व्यवस्थापक दिलिप सुवेदी लगायतले आ आफ्नो धारणा राखेका थिए ।
