मेन्टल हेल्थ नेटवर्क गण्डकीको आयोजनामा फरक क्षमता भएकाहरुको बिच प्रतिभा प्रस्फुटन कार्यक्रम हुने भएको छ । २०८० साल असोज २७ गते शनिवार दिउसो १ बजेदेखि पोखरा ८ सृजना चोकमा हुने भएको छ ।
उक्त कार्यक्रम बिभिन्न किसिमका फरक क्षमता भएका हरु मध्य ३० जनाको प्रस्तुति रहने कार्यक्रमका परिकल्पनाकार तथा गण्डकी प्रदेशको वरिष्ठ मनोचिकित्सक डा. निर्मल लामिछानेले जानकारी दिनुभयो ।
विशेष गरेर नृत्य, गायन, साहित्य र कला बिधाको प्रतिभा प्रस्तुत हुने र ५ जना विशिष्ट निर्णायक हरुको मूल्याङ्कन को आधारमा प्रथम, द्वितिय र तृतीय हुने कलाकारहरुलाइ नगद राषी सहित पुरस्कारको ब्यबस्था गरिएको कार्यक्रम संयोजक डा. सुनिता लामाले बताउनुभयो ।
उक्त कार्यक्रममा फरक क्षमता भएका पोखराका चित्रकार भुसन राजभण्डारीका २० वटा चित्र प्रदर्शन गरिने र मनोचिकित्सा जागरण सम्बन्धि डा. निर्मल लामिछाने द्वारा स्वरबद्ध गीतको म्युजिक भिडियोको पनि लोकार्पण गरिने कार्यक्रम ब्यबस्थापक अनिता खड्का ले जानकारी दिनुभयो ।
उक्त कार्यक्रममा कोशिष नेपाल, कोपिला नेपाल, अपाङ्ग आवाज नेपाल ,जिएमसि रोट्र्याक्ट र बिजि हस्पिटल सह आयोजक रहेको छ।
