अस्ट्रेलियामा समुद्रमा माछा मार्ने क्रममा चिप्लिएर दुई नेपालीको मृत्यु भएको छ । दक्षिण सिड्नीको समुद्री किनारमा माछा मार्न गएका उनीहरुको ढुंगामा चिप्लिएर ज्यान गएको अस्ट्रेलियाको प्रहरीले विज्ञप्ति मार्फत् जनाएको छ । उनीहरु चिप्लिएको खबर पाएसँगै प्रहरी र लाइफ गार्डले उद्धार गरेका थिए । उनीहरुलाई हेलिकप्टरमार्फत उद्धार गरी अस्पताल पु¥याइएको थियो ।
अस्पताल पु¥याएसँगै सोमबार अपरान्ह उनीहरुलाई चिकित्सकले मृत घोषित गरेका थिए । ती दुई २२ र २५ वर्षका नेपाली युवा भएको प्रहरीले जनाएको छ । उनीहरुको नाम भने प्रहरीले सार्वजनिक गरेको छैन । घटनाबारे आवश्यक अनुसन्धान भइरहेको प्रहरीको भनाइ छ ।
