नेपाली काँग्रेस कास्कीले पोखरा महागनरपालिका प्रमुख धनराज आचार्यलाई ज्ञापन पत्र बुझाएको छ । आगामी आर्थिक वर्षको नीति तथा कार्यक्रम र बजेटमा समेट्नुपर्ने विषयहरु समेटेर कांग्रेसले १८ बुँदे ज्ञापनपत्र बुझाएको हो । बढ्दो बेरुजु, भौतिक पूर्वाधार विकास निर्माण, फोहोर मैला व्यवस्थापन, ताल तलैयाको संरक्षण बसपार्कको व्यवस्थापन,यातायात र सडक क्षेत्र सुधार, औधोगिक क्षेत्र व्यवस्थापन र खानेपानी समस्या लगायतका विषय समेटिएको सुझाव पत्र महानगर प्रमुख धनराज आचार्यलाई बुझाइएको कास्की काँग्रेसका उपसभापति युवराज कुँवरले जानकारी दिए । बेरुजु फोरफार गर्न तर्फ ध्यान दिनउ उनले आग्रह गरे ।
ज्ञापन पत्रमा महानगरमा ठुलो परिणाममा बेरुजु रकम रहेकाले सोको व्यवस्थापन र चालू आर्थिक वर्षमा बेरुजु नहुने गरी कार्य सम्पादन गर्न, कारलाई सर्वसुलभ र बैज्ञानिक प्रणाली अनुसार तय गर्न सुझाव दिइएको छ । यस्तै तालचोक बेगनासताल सडक निर्माणलाई तिब्रता दिन र नागरिकका गुनासोलाई सम्बोधन गर्न, पोखरा बसपार्क र बिन्धवासीनी बसपार्कलाई व्यवस्थित र अत्याधुनिक बनाउनका लागि वातावरण बनाउन कांग्रेसले महानगरको ध्यानाकर्षण गराएको छ । यस्तै प्रोधन सहतिको स्थाइ ल्याण्डफिल निर्माण, पर्यटकीय राजधानी घोषणा भइसकेकाले आगामी बजेटमा सोही अनुसकारका पूर्वाधार निर्माणमा, अव्यवस्थित पार्किङलाई बहुतले पार्किङको व्यवस्थापनको लागि प्रदेश सरकारसंग मिलेर काम गर्न ज्ञापन पत्रमा भनिएको छ ।
कांगेसले पोखराका सडक सुधार र स्मार्ट लाईट जडान, विधुतका पोलहरुमा रहेका अव्यवस्थित तारहरुको व्यवस्थापन र सौन्दर्यकरण, अन्तराष्ट्रिय सम्मेलन केन्द्र निर्माण साथै ट्राफिक लाइट व्यवस्थापनमा आगामी आर्थिक वर्षको बजेटमा प्राथमिकतामा राख्न कांग्रेसले माग गरेको छ । पोखरालाई स्मार्ट सिटि बनाउने प्रतिवद्धता अनुसार कार्यक्रमलाई प्राथमिकता दिनुपर्ने ज्ञापन पत्रमा उल्लेख गरिएको छ । ज्ञापन पत्र बुझदै महागनर प्रमुख आचार्यले राजनीतिक दलहरुको सुझावलाई गम्भिरताका साथ लिइने प्रतिवद्धता व्यक्त गरे । महानगरको आर्थिक गतिबिधिलाई सुधार गर्ने गरी काम गरिरहेको र आगामी दिनमा बेरुजु आचार्यले जानकारी दिए ।
