‘‘गुणस्तरीय शिक्षा, अनुशासन र ज्ञान’’ भन्ने मूल नाराका साथ अगाडि बढिरहेको यस विन्ध्येश्वरी आदर्श बोर्डिङ स्कुल, मोहरियाटोल, पोखरा–१, कास्कीमा तीजको अवसर पारेर तीज गीत तथा नृत्य प्रतियोगिता सम्पन्न गरियो । मौलिकता जोगाउने उद्देश्यले गरिएको उक्त कार्यक्रममा विद्यार्थीहरुले आफैँ गीत गाउने र बजाउने गरेका थिए । आधारभूत र मा।वि। तह गरी दुई तहमा गरिएको उक्त कार्यक्रमा करीब २० समूहले भाग लिएका थिए ।
आधारभूत जुनियरमा कक्षा १ देखि ५ तर्फबाट कक्षा ५ मा अध्ययनरत छात्रछात्राहरु युनिका खनालको समूह प्रथम, कक्षा ४ की छात्रा काव्या बि।क। द्वितीय, कक्षा १ की लियोसा के।सी।को समूह तृतीय र कक्षा ३ की छात्रा बिपासा मल्लले सान्त्वना पुरस्कार प्राप्त गरेका थिए । यसैगरी कक्षा ६ देखि १० तर्फबाट कक्षा ९ मा अध्ययनरत छात्रछात्राहरु एस्थर तामाङको समूह प्रथम र कक्षा १० मा अध्ययनरत छात्रछात्राहरु प्रशंशा कार्कीको समूहले द्वितीय स्थान प्राप्त गरेका थिए ।
विजेतालाई पुरस्कार, ट्रफी तथा प्रमाणपत्र वितरण गर्दै विद्यालयका प्राचार्य तथा यस कार्यक्रमका सभापति कृष्णकुमार श्रेष्ठले यस्ता कार्यक्रमले विद्यार्थीहरुका शैक्षिक, सामाजिक, व्यक्तिगत तथा बौद्धिक विकासमा सहयोग पु¥याउनुका साथै उनीहरुको अन्तरनिहीत प्रतिभा प्रस्फुटन हुने कुरा बताउनुभएको थियो । जोजिजू म्युजिक सेन्टरकी व्यवस्थापक सोनु जोजिजूको आतिथ्यमा सम्पन्न यस कार्यक्रमको निर्णायक मण्डलमा स्कुलकी नृत्य शिक्षिका रन्जु बयलकोटी र अतिथि जोजिजू रहनुभएको थियो । भने कार्यक्रम सञ्चालन विद्यालय प्रमुख माया क्षेत्रीले गर्नुभएको थियो भने कार्यक्रमको संयोजन अतिरिक्त क्रियाकलाप संयोजक राजु बयलकोटीले गर्नुभएको थियो ।
