पोखरा ६,लेकसाइडमा रहेको रेन्बो चिल्ड्रेन होम नेपालले ५९ औँ राष्ट्रिय बालदिवसको अवसरमा बक्तृत्वकला प्रतियोगिता सम्पन्न भएको छ । सामाजिक संजालको प्रयोग र यसको प्रभाव भन्ने शिर्षकमा भएको उक्त बक्तृत्वकला प्रतियोगिता बालगृहमा बस्ने ७ जना बालबालिकाले सहभागिता रहेको थियो ।
बाल अधिकार नेपालका अध्यक्ष तथा रेन्बो चिल्ड्रेन होम नेपालका कार्यकारी निर्देशक गोमा ढकालको अध्यक्षतामा सम्पन्न कार्यक्रममा संस्थाका उपाध्यक्ष नीमा गुरुङले स्वागत मन्तव्य राखेकी थिइन ।
प्रतियोगिताको मूयाङकनमा न्याश्नल इन्भेन्टिभ आवासिय मा. वि.का शिक्षिका नीता शाक्य रहनुभएको थियो भने कार्यक्रमको संचालन संस्थाका कर्मचारी शर्मीला रानाले गरेकी थिइन । प्रतियोगितामा बिजय खाती प्रथम ,शुशील रानाभाट दोस्रा र निश्चल चौधरीले तृतीय स्थान हासील गरेका थिए ।
नेपाल पर्यटन वोर्डका पुर्व सदस्य, पर्यटन ब्यावसायी तथा सामाजिक ब्यक्तित्व अग्नी कडेल प्रमुख अतिथी रहनुभएको थियो । प्रमुख अतिथी कडेलले बालबालिकाहरुले आफ्नो भबिष्य उज्वल बनाउनको लागि अनुशासनमा रही इमानदारीका साथ मेहनत गर्नु पर्ने सुझाव दिए ।
कार्यक्रमका विशेष अतिथी बाल अधिकार नेपालका महासचिव कुलप्रसाद सुबेदीले बालबालिकाले सामाजिक संजालको सही सदुपयोग गरी त्यसबाट भरपुर फाइदा लिनुपर्ने र त्यसका लागी योजना अनुरुप तालिका बनाइ यसको प्रयोग गर्नुपर्ने बताए ।
२०६५ सालमा स्थापना भएको बाल गृहमा ३१ जना बालबालिकाहरु रहेका छन । बालगृहले आर्थीक अवस्था कमजोर भएका परिबारका ४० जना बालबालिको शिक्षा स्वास्थ्य लगायतका सेवा सुबिधाको ब्यवस्था गरिदिएको छ । बालगृहमा रहेर हालसम्म ५० जना बालबालिकाहरुले प्लस टु सम्मको शिक्षा आर्जन गरीसकेका र उनीहरु मध्य हाल एक जना सरकारी बैंकमा नाम निकालेको केही निजी बैंक तथा अन्य संस्थामा रोजगारीमा रहेको कार्यकारी निर्देशक गोमा ढकालले बताइन । ढकालले बालगृहको सहयोगबाट प्लस टु सम्मको शिक्षा आर्जन गरेका बालबालीका मध्य हाल कोहीले नेपालमानै उच्च शिक्षा हासिल गरिरहेका, केही उच्च शिक्षा हासिलको लागी यूरोप अमेरिका र जापान गएको, केहीले नेपालमा व्यावसाय गरेका र केही रोजगनरिको लागी बिदेशमा रहेको जानकारी दिइन ।
