पोखरा महानगर पालिका वडा न. १५, मिलनमार्गमा रहेको मेरिल्याण्ड किड्स मन्टेश्वरीको १३औं बार्षिक उत्सव तथा अभिभावक दिवस समारोह सम्पन्न भयो । पोखरा १५, लक्ष्मीटोलमा रहेको लक्ष्मी बैक्वटको शभाहलमा सम्पन्न कार्यक्रमको प्रमुख अतिथी पोखरा महानगर पालिका शिक्षा महाशाखाका बरिष्ठ शिक्षा अधिकृत ब्रदिनाथ सुवेदी रहनुभएको थियो ।
प्रमुख अतिथि सुबेदीले बालबालिकाको समग्र बिकास तथा सफल सिकाइको लागि बिद्यालय अभिभावक र बिद्यार्थीको साथै समाजको पनि महत्त्वपूर्ण भुमिका हुने बताउनुभयो । सुबेदीले संसारका धेरै देशले पन्ध्र बर्ष मुनीका बालबालिकालाई मोबाइल तथा ग्याजेट चलाउन रोक लगाउने कानुन बनाइ त्यसको कार्यान्वयन गरिसकेको हुँदा हामीले पनि बालबालिकालाई धेरै मोबाइल चलाउन दिन नहुने र त्यसका लागि अभिभावकले पनि मोबाइल तथा ग्याजेट कम चलाउन सुझाव दिनुभयो ।
कार्यक्रमका बिशेष अतिथि एस. ओ. एस. हर्मोन माइनर गण्डकीका प्रिन्सिपल चुडामणि सुबेदीले मेरिल्याण्डले बालबालिको समग्र बिकासका लागि पारिवारिक तथा बालमैत्री वातावरणमा शिक्षा प्रदान गर्दै आइरहेको र आफू पनि मेरील्याण्ड मन्टेश्वरीको पुर्व अभिभावक भएकोमा गर्भ ब्यक्त गर्नुभयो ।
बिशेष अतिथि थ्रि स्टार टिचर एजुकेशन सेन्टर पोखराका प्रबन्ध निर्देशक तथा बरिष्ठ प्रशिक्षक प्रदीप पराजुलीले बालबालिकालाई दवाबमा पारेर नभई खुसी बनाएर सिकाउनु पर्ने कुरामा जोड दिनुभयो । बालबालिकालाई निसर्त र निस्वार्थ माया गरी खुसी राखी सिकाएमा बालबालिका मा सकरात्मक प्रभाव परि त्यो सिकाई दीर्घकालीन हुने बताउनु भयो । बालबालिकाको ९० प्रतिशत मस्तिष्कको बिकास ५ बर्ष भित्र हुने हुँदा त्यस अवधिमा बालबालिका पौष्टिक आहर, सकरामक सोच, माया , गुणस्तरीय समय प्रदान गर्नुपर्ने बताउनुभयो ।
बालबालिकाहरुले विभिन्न बीस बिधामा आफ्नो प्रस्तुति राखेका थिए । बालबालिकाले शैक्षिक मात्र नभइ अतिरिक्त क्रियाकलापमा अगाडि बढ्नुपर्ने सन्देश मुलक नाटक पनि प्रस्तुत गरेका थिए । कार्यक्रमको मुख्य आकर्षकको रुपमा बाबुछोरी र आमाछोराको संयुक्त नृत्य रहेको थियो । शिक्षिकाहरुको नृत्य र बिद्यार्थी सायोन थापा र पूर्व बिद्यार्थी बिदुषी सुबेदीले पस्तुत गरेको गित झन रौनकता थपेको थियो ।
अभिभावकको तर्फबाट नेपाल बैंक लिमिटेड अमरसिंङ शाखा प्रमुख अनिल श्रेष्ठ र कादुरि नेपालमा कार्यरत सिनियर इन्जिनियर बिपिनदिप दर्लामीले बिद्यालयले बालबालिको सिकाइ तथा समग्र बिकासमा पुर्याएको योगदानको उच्च कदर गर्दै बिद्यालयले प्रदान गरेको सेवा तथा सुबिधाबाट सन्तुष्ट रहेको बताउनुभयो ।
कार्यक्रममा नेपाल कानुन ब्यावसायी परिषद गण्डकी प्रदेशका पार्षद अधिवक्ता दयाराम गौतम , सेन्ट मेरिज बिद्यालय पोखराका प्रिन्सिपल सिस्टर जेसि कालिका मा. बि. रामबजारका सहायक प्रध्यानाध्यापक लक्ष्मिकान्त अधिकारी , बाशुदेव अधिकारी र बाल अधिकार नेपालका अध्यक्ष गोमा ढकालको सहभागीता रहेको थियो ।
बिद्यालयका प्रबन्ध निर्देशक कुल प्रसाद सुबेदीको सभापतित्वमा भएको थियो । प्रबन्धक सुबेदीले बिद्यालयले अभिभावकको साथ बिश्वास र शिक्षक कर्मचारीको मेहनतले नै सफलता प्राप्त गरिरहेको बताउनुभयो साथै बालबालिका सबैका साझा भएकाले उनीहरुको समग्र बिकासको लागी अभिभावक, बिद्यालय, शिक्षक, समाज र राष्ट्र गहन भएर लाग्नु पर्ने कुरामा जोड दिनुभयो । संस्थाका संस्थापक तथा प्रिन्सिपल सीता तिमिल्सिना सुबेदीले स्वागत मन्तब्य राख्नुभएको थियो । कार्यक्रममा बिद्यालयको पहिलो बिद्यार्थी एन्जीला अर्याल र १०० बर्षका जेष्ठ अभिभावक जग बहादुर श्रीषलाई सम्मान गरिएको थियो ।
कार्यक्रमको संचालन बिद्यालयका पूर्व बिद्यार्थी बिदुषी सुवेदी र कृतिका पुरीले गरेका थिए ।
