पोखरा ३१, वैशाख,
पोखरा २२ को विश्व शान्ति स्तुपाः नजिकैको सडकमा आज बस दुर्घटना हुदा ६ जना गम्भिर घाइते हुनु भएको छ । शान्ति स्तुपाको पार्किङ भन्दा थोरै माथिको सडकमा ग १ ख ३८८६ नम्बरको माइक्रो बस पल्टदा ६ जना गम्भिर घाइते हुनु भएको स्थानिय राजु क्षेत्रीले पोखराक्लिकलाई बताउनु भयो । उहाँका अनुसार उद्धार कार्य हाल जारी रहेको छ । पोखराबाट एम्बुलेन्स समेत घटनास्थलमा पुगेको छ । । यहाँकहरुको पोखरामा उपचार गर्न ल्याईदै छ ।
ब्रेक फेल भएर उक्त बस केही समय अघि मात्र दुर्घटनामा भएको हुन सक्ने आशंका गरिएको छ । जिल्ला प्रहरी कार्यालय, कास्कीका डीएसपी हरि बस्नेतका अनुसार, दुर्घटनामा परेर चालक र सहचालकसहित २२ जना घाइते भएका छन् । उक्त बसमा अधिकांश भारतीय पर्यटक सवार हुनुहुन्थ्यो ।
