पोखरा असार ।
अन्तराष्ट्रिय योग दिवसको अवसरमा एसओएस हर्मन माइनर स्कुल–पोखरा १५, रामबजारमा योग प्रशिक्षण कार्यक्रम सम्पन्न । दिवसको अवसरमा स्कुलमा योगका बारेमा चर्चा र योग प्रशिक्षण दिइएको थियो । अन्तर्राष्ट्रिय योग दिवसको अघिल्लो दिन हिजो स्कुलको सभाहलमा भएको योग प्रशिक्षणमा शिक्षक, विद्यार्थी र अभिभावको सहभागिता रहेको थियो । ब्रह्कुमारी इश्वरीय विश्वविद्यालय पोखरा–१७, विरौटाका सचिव राजयोगी ब्रह्कुमार शिशिर योगीले प्रमुख वक्ताको रुपमा योग र ध्यानकाबारे चर्चा गरेका थिए ।
योगीले व्यक्तीको मस्तिस्कलाई नियन्त्रण गर्ने शिक्षा नै योग रहेको बताए । विद्यालयमा अध्यन गर्ने विद्यार्थीहरुको ध्यानलाई एकिकृत गर्नका लागि योग महत्वपूर्ण शिक्षा हुने उनको भनाई थियो । यस्तै एसओएस हर्मन माइनर स्कुल–पोखराका नेपाली विषयका शिक्षक एवं योग प्रशिक्षकले योगआसनकाबारे जानकारी र अभ्यास गराएका थिए । यस वर्षको योग दिवसको नारा ” “एक पृथ्वी एक, स्वास्थ्यको लागि योग” तय गरिएको छ ।
बिद्यालयका प्रध्यानाध्यापक चुडामणी सुवेदीले मेडीटेसन विनाको जीवन अर्थपूर्ण नहुने हुँदा सबैले योगको अभ्यास गर्नुपर्ने बताए। विद्यार्थीहरुलाई योग र ध्यानमा लगाएर ध्यानपूर्वक अध्ययन गर्न र जीवनमा अनुशासित भएर जीउन सक्ने बनाउनका लागि योग शिक्षा दिइएको सुवेदीले बताए । सामाजिक संजालको प्रयोगले विद्यार्थीमा वेचैनी बढ्दै गएकाले त्यसलाई कम गर्दै अध्यात्मतर्फ जोड्ने प्रयास गरिएको उनको भनाइ छ ।
योग प्रशिक्षणमा शिक्षक, विद्यार्थी र अभिभावसहित ४ सय जनाको सहभागिता रहेको थियो । नेपाली भाषा शिक्षक तथा योग प्रशिक्षक सन्जय काफ्लेले विभिन्न योगासनहरु अभ्यास गराउनुभएको थियोे । बिद्यालय व्यवस्थापन समिति अध्यक्ष प्रदिपभक्त आचार्यको अध्यक्षतामा भएको कार्यक्रमको सन्चालन बिद्यालयका सहायक प्राचार्य वीर सिंह बुढाले गर्नु भएको थियो्र ।
