२८,कार्तिक
पोखरा ।
पोखरा महानगरपालिका ४ मा अवस्थित यस क्षेत्रकै प्रतिष्ठित शैक्षिक संस्था कुमुदिनी होम्स माध्यमिक विद्यालयमा तहगत रूपमा दुई दिने अन्तरसदनात्मक हाजिरीजवाफ प्रतियोगिता सम्मन्न भएको छ । विद्यालयको वार्षिक कार्यतालिकाअनुसार बिहीवार प्राथमिक तह (३ देखी ५) र माध्यमिक तह (९ देखी १०) को हाजिरीजवाफ सम्पन्न भएको थियो । प्राथमिक तह इन्चार्ज कुसुम गुरुङ क्विज मास्टर रहेको कार्यक्रममा लालीगुँरास सदनका आविष्कार लामिछाने, ओसुन द्वा, दिप्सन आचार्य र कलिष्का बस्नेतको समूह प्रथम र विप्सन खनाल, समानता तिवारी , रुवि ढकाल र जेनिशा खड्काको समूह द्वितीय भएका थिए । त्यस्तै शिक्षक अभिशेक विश्वकर्मा क्विज मास्टर रहेको माध्यमिक तहतर्फ लालीगुँरास सदनका प्रसिद्धि थापा, प्रतीक पौडेल, रमित कुमार झा र कुशल भण्डारीको समूह प्रथम र दिव्या आचार्य , सौगात गिरि, बिजल पालिखे र सक्षम गैह्रेको समूह द्वितीय भएका थिए ।
दोस्रो दिनको समापन समारोह विद्यालयका सह प्राचार्य मुकेश कुमार अधिकारीको प्रमुख आतिथ्य एवम् आधारभूत तह इन्चार्ज सजनी माजु श्रेष्ठको अध्यक्षतामा सम्पन्न भएको छ । अतिरिक्त क्रियाकलाप इन्चार्ज दिपेन्द्र थापा मगर क्विज मास्टर रहेको कार्यक्रममा यती सदनका प्रतिष्ठा के।सी।, आदित्य खत्री,श्रेयान के.सी. र नमराज अधिकारीको समूह प्रथम र कुमारी सदनका आयुष श्रेष्ठ, संस्कृति गैह्रे, स्वीकृत भण्डारी र मिखाइल तामाङको समूह द्वितीय भएका छन् ।
विजयी विद्यार्थीहरूलाई बधाई दिँदै सह प्राचार्य अधिकारीले कसरी हुन्छ विद्यार्थीहरूले बढीभन्दा बढी ज्ञान हासिल गरून् भन्ने कुरामा विद्यालय सधैँ सजग रहँदै आएको र सामान्य ज्ञानको दायरालाई बिस्तार गर्दै अध्ययन कार्यमा जोड्दै लैजान विद्यार्थीलाई सुझाब समेत दिनुभएको थियो ।कार्यक्रम अवधिभर शिक्षकहरू राजिब पालिखे, सन्तोष ढकाल र भुवन गुरुङले प्राविधिक सहयोग गर्नुभएको कुरा शिक्षक सुरेन्द्र सदिच्छाले जानकारी दिनुभयो ।
