कार्तिक, २८
पोखरा ।
‘‘गुणस्तरीय शिक्षा, अनुशासन र ज्ञान’’ भन्ने मूल नाराका साथ अगाडि बढिरहेको यस विन्ध्येश्वरी आदर्श बोर्डिङ स्कुल, मोहरिया टोल, पोखरा–१, कास्कीमा शुक्रबारीय कार्यक्रम अन्तर्गत अङ्ग्रेजी स्कील टेष्टकार्यक्रम सम्पन्न गरियो । जुनियर आधारभूत तहमा गरिएको उक्त कार्यक्रममा रातो सदनबाट कक्षा ५ मा अध्ययनरत छात्रद्वय सखिम बास्तोला र एलेक्स रसाइली, कक्षा ४ मा अध्ययनरत छात्र अङ्कित मन्ना र कक्षा ३ मा अध्ययनरत छात्रा एन्जिला थापा प्रथम र पहेँलो सदनबाट कक्षा ५ मा अध्ययनरत छात्रा दिया क्षेत्री, कक्षा ४ मा अध्ययनरत छात्रछात्राद्वय सौगात हमाल र सइशा तामाङ र कक्षा ३ मा अध्ययनरत छात्रा साजिया क्षेत्री द्वितीय भएका छन् ।
विद्यालयका प्राचार्य कृष्णकुमार श्रेष्ठले उक्त विजेताहरुलाई पुरस्कार तथा प्रमाणपत्र वितरण गर्नुभयो । भने यस कार्यक्रमको सञ्चालन अङ्ग्रेजी शिक्षिका अनिता हमालले गर्नुभएको थियो साथै शिक्षिकाहरु शर्मिला शर्मा र रोजिना लगुनले सहयोग गर्नुभएको थियो ।
