बाग्लुङ कालिकामा भएको चैते दशैं मेलामा १० करोड रुपैयाँको आर्थिक कारोबार भएको छ। तीन सय वर्षभन्दा पुरानो मेला चैते दशैं मेला चैत ३० गतेदेखि सुरु भएर बिहिबार सकिएको हो । मेलामा स्थानीय उत्पादन डाला, नाङ्ला, ठेका र मादाल लगायतको समेत स्टल राखिएको थियो । मेलाका १५० स्टलमा खाद्यन्न, लत्ता कपडा, कस्मेटिक र खेलौना लगायतका सामाग्री थिए । मेलाको समग्र कारोबार १० करोड रुपैयाँ बराबरको भएको आयोजकको अनुमान छ । बागलुङको पर्यटन व्यवसायमा समेत मेलाले चलयमान बनाउदै आएको छ ।
कालिका मन्दिरसंग जोडिएको चैते दशैं मेलामा पाँच लाखभन्दा बढीले मेलाको अवलोकन गरेको बागलुङ कालिका भगवती गुठी व्यवस्थापन समितिले जानकारी दिएको छ । मेला भर्नका लागि गुल्मी, म्याग्दी, पर्वत जिल्लाबाट समेत आएका थिए । चैते दशै मेलाका अवसरमा कालिका कप खुल्ला राष्ट्रिय भलिबल प्रतियोगिता, खुल्ला लोक दोहोरी प्रतियोगिता, छेलो, बिद्यालय स्तरीय नृत्य, कालिका मन्दिर परिसरदेखि शालग्राम संग्राहलयसम्म दांैड लगायतका प्रतियोगिता भएका थिए ।
