नेपाली साहित्य क्षेत्रमा ‘प्रकट दाइ’ का रुपमा परिचित साहित्यकार प्रकट पंगेनी ‘शिव’को मंगलबार दिउँसो निधन भएको छ । पंगेनीको उपचारका क्रममा पोखराको मणिपाल शिक्षण अस्पतालमा निधन भएको हो । बुधबार दिउँसो सवा १२ बजे मणिपाल शिक्षण अस्पतालबाट शवयात्रासहित सेती नदीको फूलबारी घाटमा पगेनीको दाहसंस्कार गरिने भएको छ । ६८ वर्षीय पंगेनी निमोनिया लगायतका समस्याबाट पीडित हुनुहुन्थ्यो ।
सोमबार साँझबाट मणिपाल शिक्षण अस्पतालको भेन्टिलेटरमा राखी उहाँको उपचार भएको थियो । कास्कीको रुपा गाउँपालिकाको देउराली घर भए पनि उहाँ लामो समयदेखि पोखराको बाटुलेचौरमा बस्नुहुन्थ्यो । पंगेनीका जुनको चिठी जुनालाई, प्रणय वेदका ऋचाहरु लगायतका कृति प्रकाशित छन्। उहाँको परिवारमा पत्नी, छोरा र छोरी हुनुहुन्छ ।